Russiýanyň "Gazprom" kompaniýasy "Türkmengaz" döwlet konserninden 2024-nji ýylyň 30-njy iýunyna çenli — 5 ýyllyk möhlet bilen tebigy gaz satyn almak boýunça şertnama baglaşdy. Bu barada kompaniýanyň resmi habarynda aýdylýar.
Şertnama laýyklykda, Türkmenistandan "Gazproma" ýyllyk 5,5 milliard kubmetre çenli tebigy gaz iberiler.
"Gazprom" kompaniýasy 2019-njy ýylyň aprel aýynda türkmen gazyny gaýtadan satyn alyp başlady. 15-nji aprel bilen 30-nji iýun aralygy üçin baglaşylan gysga möhletleýin şertnamanyň çäginde 1,2 milliard kubmetr türkmen gazy Russiýa eksport edildi.
Mundan öň Russiýa Federasiýasynyň Energetika ministriniň orunbasary Anatoliý Ýanowskiý Russiya bilen Türkmenistanyň türkmen gazynyň eksporty boýunça 5 ýyllyk şertnama baglaşmagyň mümkinçilikleri barada gepleşik geçirýändiklerini habar beripdi.
Türkmenistan we "Gazprom" 5 ýyllyk şertnama baglaşdy
- 03.07.2019 23:00
- 8.1k+
