«Morinžgeologiýa» hyzmat kärhanalar toparynyň hünärmenleri dünýäniň iň ýokary nokadyna — Ewereste (8 848 metr) çykdylar we ol ýerde Türkmenistanyň döwlet baýdagyny parlatdylar, diýip «Turkmenistan: Altyn asyr» elektron neşiri habar berýär.
Daga çykmaklyga bu Holdingiň işgärleri — Latwiýanyň, Russiýanyň, Polşanyň, Kipriň we Moldawa Respublikasynyň raýatlaryndan ybarat bolan tejribeli alpinistler gatnaşdylar. Mundan öň, olar Uly Ararat (Ermenistan, 5165 m, 2011 ý.), Kilimanžaro (5895 m, 2014 ý.) we Mera (4562 m, 2014 ý.) — Tanzaniýa; Akonkagua (Andlar, 6960,8 m, 2018 ý.)) Argentinanyň we Çiliniň serhedi; Monblan (Günbatar Alp daglary, 4810 m, 2018 ý.) – Fransiýanyň we Italiýanyň serhedi — dag belentliklerine çykdylar.
Bu gezek bolsa daga çykyjylar Eweresti boýun egdirdiler. Ewereste çykmaklyk Tibet (Hytaý Halk Respublikasy) tarapdan amala aşyryldy. Çylşyrymly howa şertlerinde 48 güne çekdi.
«Morinžgeologiýa» hyzmat kärhanalar topary Türkmenistanda öz işini «Dragon Oýl» (Türkmenistan) kompaniýasy bilen uzakmöhletleýin baglaşylan şertnamanyň esasynda alyp barýar. Şeýle hem holding «Petronas Çarigali (Turkmenistan) Sdn. Bhd» kompaniýasy bilen hem hyzmatdaşlyk edýär.
Türkmenistanyň baýdagy dünýäniň çür başyna — Ewereste çykaryldy
- 17.06.2019 23:20
- 8.6k+
