Türkmenistanda oba hojalyk toplumynyň degişli ministrlik we pudaklaýyn dolandyryş edaralary boýunça döwlet sylaglaryna mynasyp bolanlara sylaglary gowşurmak dabarasy hem-de Halkara Ahalteke atçylyk sport toplumynda ýurdumyzyň durmuşynda möhüm ähmiýeti bolan şanly senäniň hormatyna baýramçylyk at çapyşyklary geçiriler. Bu çärelere görülýän taýýarlyk işleri hakynda wise-premýer A.Ýazmyradow Ministrler Kabinetiniň 23-nji sentýabrda geçirilen mejlisiniň barşynda habar berdi.
Serdar Berdimuhamedow ýurdumyzyň Garaşsyzlyk güni mynasybetli dabaraly çäreleriň, hususan-da, şanly senäniň hormatyna geçiriljek baýramçylyk at çapyşyklarynyň ýokary guramaçylyk derejesiniň üpjün edilmelidigini aýtdy we bu babatda wise-premýere birnäçe tabşyryklary berdi.
