Amerikaly tennisçi Serena Uilýams tükeniksiz oýnap bolmaýandygyny belläp, sport karýerasyny tamamlamakçydygyny ýaňzytdy.
Uilýams duşenbe güni ispaniýaly türgen Nuriýa Parrizas-Diasy ýeňip, Torontoda (Kanada) geçen WTA 1000 kategoriýaly turniriň ikinji raundyna çykdy.
«Uzyn ötügiň aňrybaşyndaky yşyk görnüp ugrady öýdýän. Men şol ýagtylyga golaýlaýan. Oňa ýetýänçäm garaşmaga takat gutardy. Ol — erkinligiň ýagtylygy. Men tennis oýnamagy gowy görýän — bu örän ajaýyp oýun. Ýöne siz düşüniň, men ony tükeniksiz oýnap bilmen-ä» diýip, Zenanlaryň tennis assosiasiasynyň (WTA) metbugat gullugy Uilýamsyň sözlerini getirýär.
Uilýams WTA-nyň turynda 2021-nji ýylyň tomsundan bäri oýnanok. Iýunyň ahyrynda 40 ýaşly tennisçi zenan Uimbldon turnirinde göründi, emma fransuz türgeni Harmoni Tandan utulyp, birinji aýlawy geçip bilmedi. Amerikaly türgen iýulda WTA-nyň reýtinginden çykaryldy. Uilýams ýekelikdäki razýadda Uly tuwulganyň turnirleriniň 23 gezek ýeňijisi bolupdy.
