Lamborghini-niň esaslandyryjysy «Awtoulag şöhrat zalyna» girizildi

  • 29.07.2022 15:25
  • 13k+

Lamborghini kompaniýasyny esaslandyryjy Ferruçço Lamborgini "Awtoulag şöhrat zalynyň" (Automotive Hall of Fame) agzasy hökmünde ykrar edildi. Bu zal awtoulag senagatynyň has mynasyp wekillerini şu at bilen belli edýän muzeý. Belläp geçsek, onuň gönüden-göni bäsdeşi Enso Ferrari "Awtoulag şöhrat zalyna" mundan on iki ýyl ozal girizilipdi.

"Gürrüň kaşaňlyga, sport görnüşlilige we gözellige dirände, Lamborgini ýaly hormata mynasyp at juda seýrekdir" - diýip, muzeýiň beýannamasynda aýdylýar.

Lamborghini Automobile kompaniýasynyň peýda bolmagynda Enso Ferrariniň hut özi gytaklaýyn günäkär hasaplanýar. Traktor gurluşyk kompaniýasynyň ýolbaşçysy Ferruçço Lamborgini 1958-nji ýylda özüniň Maranelloly ilkinji gran-turýerini, Ferrari 250GT-ni döretdi. Bu awtoulagdan onuň şeýlebir göwni geçipdir welin, ol ähli taraplaýyn göwnüne jaý boljak öz hususy modelini işläp taýýarlamagy ýüregine düwýär.

"Tehniki «bombany» däl-de - adaty ulagy. Ýönekeý, aňrybaş göwnejaýyny" - diýip, şonda Lamborgini belläpdir. Bir ýyl geçiribem ol öz hususy kärhanasyny esaslandyrypdyr.

"Awtoulag şöhrat zaly" awtoulag gurluşygynyň ilkinjileri hem-de tutuşlygyna pudaga we awtosportuň ösüşine özleriniň aňrybaş täsirini ýetiren adamlary hatyralamak üçin 1939-njy ýylda ABŞ-da esaslandyrylypdyr. Onuň agzalarynyň arasynda (dünýä awtosenagatynyň baş kompaniýalaryny esaslandyryjylary öz içine almak bilen) meşhur senagatçylar, bezegçiler we konstruktorlar, türgenler we şolar ýalylar bar. 


27.06.2025 17:48
2.8k+

Lamborghini 29 nusgada taryhynda iň güýçli ýol modelini çykarar

Lamborghini kompaniýasy awgust aýynda Kaliforniýada geçiriljek Monterey awtoulag hepdeligi üçin täze superkaryň ilkinji görkezilişine taýýarlanýar. Täze awtoulag Fenomeno diýlip atlandyrylar we markanyň taryhynda iň güýçli ýol modeli bolar diýip, Supercar Blog habar berýär...

28.05.2025 20:47
3.7k+

20 seýrek «Lamborghini Centenario» rodsterinden biri rekord baha – 5,2 mln ýewro satuwa çykdy

Iň seýrek superkarlaryň biri – «Lamborghini Centenario Roadster» Germaniýada satuwa çykdy. Awtoulagyň başlangyç bahasy 5,2 million ýewro. Deňeşdirmek üçin, gibrid hereketlendirijili we 1001 at güýji bolan täze «Lamborghini Revuelto-nyň» bahasy 600 müň dollardan başlaýar...

27.05.2025 13:22
6.2k+

Mansory atelýesi Lamborghini Revuelto-ny 1 million dollarlyk superkara öwürdi

Lamborghini Revuelto 2025 ulagy Mansory studiýasynda işlenen ýörite wersiýa eýe boldy. Aventador-yň mirasdüşeri hasaplanýan superkar indi 1 074 600 dollar bahadan hödürlenýär. Model gibrid güýç gurluşy bilen enjamlaşdyrylandyr...

26.05.2025 20:47
4.3k+

Lamborghini we Balenciaga bilelikdäki kolleksiýany çykardy

Lamborghini we Balenciaga moda öýi egin-eşikleriň we aksessuarlaryň bilelikdäki güýzki kolleksiýasyny hödürledi. Metbugat relizinde bellenilişi ýaly, ol sport awtomobilleriniň estetikasyny ýokary modanyň elementleri bilen utgaşdyrýar...