Lamborghini we Balenciaga moda öýi egin-eşikleriň we aksessuarlaryň bilelikdäki güýzki kolleksiýasyny hödürledi. Metbugat relizinde bellenilişi ýaly, ol sport awtomobilleriniň estetikasyny ýokary modanyň elementleri bilen utgaşdyrýar.
Kolleksiýa Lamborghini-niň dizaýnyndan ylham alyp taýýarlanan köýnekçeler, sport kostýumlary we torbalar girdi. Käbir predmetleriň bahasy 8 500 dollara ýetýär. Aýratyn üns täze Lamborghini Temerario superkaryna gönükdirildi. Bu ulag hem moda hyzmatdaşlygynyň bir bölegi boldy.
Temerario markanyň ilkinji turboly gibrid superkarydyr. Ol goşa turboly 4,0 litrlik V8 hereketlendirijisi we üç elektrik hereketlendirijisi bilen enjamlaşdyryldy. Umumy kuwwat 907 at güýjüne deň. Bu 2025-nji ýylyň iň kuwwatly modelleriniň biri. Awtomobil ýokary tehnologiýalary we stili özüne birleşdirýär, bu bolsa ony hem awtosöýüjiler, hem moda muşdaklary üçin özüne çekiji edýär.
