Ady rowaýata öwrülen boksçy Muhammed Aliniň guşagy ABŞ-yň auksionynda satyldy. Bu barada Indianapolis Kolts NFL klubunyň eýesi, guşagy satyn alan Jim Irseý sosial torlarda habar berdi diýip, gazeta.ru ýazýar.
Çempionyň WBC wersiýasy boýunça satylan guşagyny Muhammed Ali Jorj Formandan üstün çykanda gazanypdy. Guşak 6 million dollara satyldy. 2016-njy ýylda bu guşak 358 500 dollara satylypdy.
Muhammed Ali 2016-njy ýylda 74 ýaşynyň içinde dünýäsini täzeledi. Ol ýarym agyrlyk kategoriýasynda 1960-njy ýylyň Olimpiýa oýunlarynyň çempionydyr, agyr agramlykda dünýäniň absolýut çempiony, "Ýylyň boksçysy" we "Onýyllygyň boksçysy" atlarynyň eýesi hasaplanýar.