UFC 279 turniriniň esasy söweşinde Hamzat Çimaýew bilen Neýt Dias duşuşar. Bu barada promouşeniň metbugat gullugy habar berýär diýip, sport-express.ru belleýär.
Çimaýew ýarym orta agramda UFC-niň reýtinginiň üçünji ornuny eýeleýär. Ol 10-njy aprelde ABŞ-nyň Jeksonwill şäherinde geçirilen UFC 273 turnirindäki soňky söweşinde emin agzalarynyň biragyzdan karar bermegi bilen (29-28, 29-28, 29-28) Gilbert Býornsden (20-5) üstün çykdy.
Dias ilkinji 15-likde ýok. Şeýle-de, ol iki söweş bäri ýeňlip gelýär. 2016-njy ýylyň martynda ol UFC-de soňlugy bilen taryhda iki agram kategoriýasynda guramanyň ilkinji çempiony bolan irlandiýaly Konor Makgregory ilkinji ýeňlişe sezewar etdi. 2021-nji ýylyň 12-nji iýunynda UFC 263-de bolan soňky söweşinde ol emin agzalarynyň biragyzdan karar bermegi netijesinde (49-46, 49-46, 49-46) Leon Edwardsdan (19-3) ýeňildi.
Çimaýew bilen Diasyň arasyndaky söweş 10-njy sentýabrda Las-Wegasda geçiriljek UFC 279 turnirinde bolar.
