Owganystanda 900-den gowrak adam ýer titremesiniň pidasy boldy

  • 22.06.2022 17:53
  • 47k+
Owganystanda 900-den gowrak adam ýer titremesiniň pidasy boldy

Geçen gije Owganystanyň günorta-gündogaryndaky Paktika welaýatynda bolup geçen ýer titremesi netijesinde 900-den gowrak adam pida boldy diýip, ýerli Tolo News teleýaýlymy tebigy betbagtçylyklara garşy göreşmek boýunça ministriň orunbasary Şarafuddin Muslimiň sözlerine salgylanyp habar berýär.

Şikes alanlaryň sany 610-a ýetýär.
Öň, ABŞ-nyň Geologiýa gullugynyň habar bermegine görä, Owganystanda 6,1 magnitudaly ýer titreme bolup geçdi.
Ýer titremäniň epi merkezi 96 müň ilatly Host şäherinden 44 kilometr günorta-günbatarda ýerleşýär. Onuň ojagy 51 kilometr çuňlukda ýerleşýär.
Owganystanyň Içeri işler ministrligi ýer titremeden ejir çeken ilata kömek bermeklerini sorap halkara guramalara ýüz tutdy.

Kanadadaky tokaý ýangynlaryndan çykýan tüsse baryp kosmosdan hem görünýär
07.06.2025 19:01
11k+

Kanadadaky tokaý ýangynlaryndan çykýan tüsse baryp kosmosdan hem görünýär

NASA-nyň Ýerden 1,5 million kilometr uzaklykdaky Lagranj L1 nokadynda ýerleşýän DSCOVR hemrasy Kanadadaky tokaý ýangynlaryndan çykan tüssäni surata aldy. Surat 2025-nji ýylyň 31-nji maýynda düşürildi. Kanadadaky tokaý ýangynlary birnäçe gün bäri dowam edýär...

Sisiliýada Etna wulkany 2014-nji ýyldan bäri iň güýçli ýagdaýynda atylyp başlandy
04.06.2025 10:46
5.4k+

Sisiliýada Etna wulkany 2014-nji ýyldan bäri iň güýçli ýagdaýynda atylyp başlandy

Sisiliýada Etna wulkany atylyp başlandy. Bu barada Italiýanyň Milli geofizika we wulkanologiýa institutyna salgylanyp, ANSA agentligi habar berýär. Wulkan atylmazdan öň krateriň bir bölegi opuryldy, bu hem piroklastik akymyna getirdi – bu gyzgyn gazlaryň, külüň we daşlaryň garyndysydyr...

Türkiýäniň Marmaris sebitinde 5,8 bal ululykda ýertitreme bolup geçdi
03.06.2025 13:33
11k+

Türkiýäniň Marmaris sebitinde 5,8 bal ululykda ýertitreme bolup geçdi

3-nji iýuna geçilen gije Türkiýäniň Ortaýer deňzi kenarynda 5,8 bal ululykda ýertitreme bolup geçdi. Ýerasty sarsgynlar ýerli wagt bilen 02:17-de hasaba alyndy. Associated Press ýertitremäniň merkeziniň Marmaris şypahana sebitiniň golaýynda bolandygyny habar berdi...

Gawaýdaky Kilauea wulkany atylyp başlady: ol 300 metr beýiklige lawa zyňýar
28.05.2025 08:24
8.8k+

Gawaýdaky Kilauea wulkany atylyp başlady: ol 300 metr beýiklige lawa zyňýar

Dünýäniň iň işjeň wulkanlarynyň biri bolan Gawaýdaky Kilauea wulkany atylyp başlady. Bu barada ABŞ-nyň Geologiýa gullugynyň Gawaý wulkanologiýa obserwatoriýasy habar berýär. Atylma 25-nji maýda ýerli wagt bilen sagat 16:15-de başlady...