Google we Apple kompaniýalary öz sanly dükanlaryndan Android we iOS üçin iki we ondan köp ýyl bäri täzelenmedik 1,5 milliona golaý programmany aýrar. Bu barada “The Sun” gazeti habar berýär diýip, iz.ru belleýär.
“Kompaniýalaryň ikisi hem könelişen programmalara has berk üns berip başladylar. Yzygiderli täzelenmeýän programmalar töwekgelçilikli hasaplanýar. Bu, umumy alanyňda, 1,5 million programmadyr” – diýip, neşir ýazýar.
Bellenilişi ýaly, könelişen programmalar wagtyň geçmegi bilen ýüze çykýan gowşaklyklaryň düzedilmeýändigi sebäpli döwülmäge ýakyn bolýarlar. Şeýle programmalaryň sany Google Play-da 869 müň töweregi, App Store-da bolsa, takmynan, 650 müň sanydyr. Bular, esasan, bilim mazmunly programmalar, habar beriji materiallar, şeýle-de çagalaryň arasynda has meşhur bolan oýunlardyr.