Iňlisleriň «Liwerpul» kluby Çempionlar ligasynyň ýarym final tapgyrynyň jogap duşuşygynda ispanlaryň «Willarealyndan» üstün çykdy.
Willareal şäherinde geçirilen duşuşyk myhmanlaryň peýdasyna 3:2 hasabynda tamamlandy. «Liwerpulyň» düzüminde gollary Fabinýo (62-nji minut), Luis Dias (67) we Sadio Mane (74) geçirdi. «Willarealdan» Bulaýe Dia (3) we Fransis Koklen (41) tapawutlandy.
Bu klublaryň arasynda Liwerpulda geçirilen birinji duşuşyk iňlisleriň peýdasyna 2:0 tamamlanypdyr.
«Liwerpul» taryhynda onunjy gezek Çempionlar ligasynyň finalyna çykmaga hukuk gazandy. Iňlis kluby bu ýaryşda alty gezek ýeňiji bolupdy.
Çempionlar ligasynyň ikinji finalçysy şu gün geçeriljek «Real» — «Mançester Siti» klublarynyň jogap duşuşygynda belli bolar (birinji oýunda iňlisler 4:3 ýeňdi).
Çempionlar ligasynyň final duşuşygy 28-nji maýda Fransiýada «Stad de Frans» stadionynda geçiriler.
