Fransiýanyň “Pari Sen-Žermen” futbol kluby indiki möwsümde argentinaly oýunçylar Mauro Ikardi, Anhel Di Mariýa we Leandro Paredes bilen aýrylyşmagy meýilleşdirýär. Bu barada “L’Equipe” neşirine salgylanyp, “Marca” habar berýär.
34 ýaşly Di Mariýanyň şertnamasy indiki ýylyň iýun aýynda tamamlanýar we Parižiň kluby onuň möhletini uzaltmagy meýilleşdirmeýär.
“PSŽ” Paredes bilen Ikardini satmak isleýär. Bellenilişi ýaly, oýunçylaryň ikisiniň hem uly şertnamasy bolup, olar kluby mundan beýläk-de ösdürmegiň taslamasyna goşulmaýar. Eger futbolçylary satmak başartmasa, klub olary kärendä berip biler. 27 ýaşly Paredesiň şertnamasynyň möhleti 2023-nji ýylyň iýun aýynda, Ikardiniňki 2024-nji ýylyň iýun aýynda tamamlanýar.
Di Mariýa “PSŽ-de” 2015-nji ýyldan bäri oýnaýar, häzirki möwsümde ol 25 oýna gatnaşyp, 3 gol geçirdi. Paredes bu klub üçin 2019-njy ýyldan bäri çykyş edýär, häzirki möwsümde onuň hasabynda 15 oýunda bir gol bar. 29 ýaşly Ikardi topara 2020-nji ýylda goşuldy we häzirki möwsümde ol 30 oýna gatnaşyp, bäş gol geçirdi.