UEFA Ýewropa ligasynyň ýarym final jübütleriniň ählisi kesgitlendi. Ýaryşy iňlisleriň «West Hem Ýunaýted», nemesleriň «Aýntraht» we «RB Leýpsig», şeýle hem şotlandlaryň «Reýnjers» toparlary dowam eder.
Çärýek finalda fransuzlaryň «Lion» klubuny ýeňen (1:1, 3:0) «West Hem» ýarym finalda katalonlaryň «Barselonasyndan» üstün çykan (1:1, 3:2) «Aýntraht bilen duşuşar.
1/4 finalda italýanlaryň «Atalantasyny» ýeňen (1:1, 2:0) «RB Leýpsig» ýarym finalda portugallaryň «Bragasyndan» üstün çykan (0:1, 3:1) «Reýnjers» bilen duşuşar.
UEFA Ýewropa ligasynyň ilkinji ýarym final duşuşyklary 27-nji we 28-nji aprelde, jogap oýunlary 4-nji we 5-nji maýda geçiriler. Ýewropa ligasynyň finaly 18-nji maýda Sewilýada «Roman Sançes Pishuan» stadionynda geçiriler.