Londonyň «Çelsi» futbol kluby UEFA Çempionlar ligasynyň 1/4 final tapgyrynyň birinji duşuşygynda öz meýdançasynda Madridiň «Realyndan» asgyn geldi.
Duşuşyk «Realyň» peýdasyna 1:3 hasabynda tamamlandy. Madridiň klubundan Karim Benzema het-trik etdi (21, 24 we 46-njy minut). «Çelsiden» ýeke-täk goly Kaý Hawerts (40) geçirdi.
Benzema Çempionlar ligasynda yzly-yzyna ikinji het-trigini etmegi başardy. Hüjümçi 9-njy martda ÇL-niň 1/8 final tapgyrynyň jogap duşuşygynda «PSŽ-niň» derwezesine hem 3 gol geçiripdi (3:1).
Çempionlar ligasynyň çärýek finalynyň jogap duşuşygy 12-nji aprelde «Realyň» meýdançasynda geçiriler.