Ýurdumyzyň raýatlarynyň Esasy Kanunymyzda kepillendirilen hukuklaryny goramak Türkmenistanyň Prezidentiniň esasy borjy bolar. Bu barada döwlet Baştutany wezipä girişmek dabarasynda sözlän sözünde nygtady.
«Döwletimiziň Konstitusiýasynda raýatlarymyzyň kepillendirilen hukuklaryny goramak meniň esasy borjum bolar. Türkmenistanyň Milli Geňeşiniň Halk Maslahaty we Mejlisi ýurdumyzyň kanunçylygyny kämilleşdirmek işini dowam etdirer. Döwletimiziň adam hukuklaryny we azatlyklaryny goramak babatdaky ynsanperwer syýasatyny mundan beýläk hem üpjün ederis. Milli Geňeşiň Halk Maslahatynyň we Mejlisiniň ygtyýarlyklary has-da kämilleşdiriler» diýip, Serdar Berdimuhamedow aýratyn belledi.
