Ýewropa ligasynyň çärýek finalynda «Barselona» futbol kluby «Aýntraht» germen kluby bilen duşuşar. 1/4 final tapgyrynyň bijeleri şu gün Ýewropa futbol assosiasiýalarynyň birleşiginiň (UEFA) Şweýsariýadaky Nýon şäherindäki ştab-kwartirasynda çekildi.
Beýleki çärýek final duşuşyklarynda germanlaryň «Leýpsig» kluby italýanlaryň «Atalanta», iňlisleriň «West Hemi» fransuzlaryň «Liony», portugallaryň «Bragasy» şotlandlaryň «Reýnjersi» bilen duşuşar.
Ýewropa ligasynyň birinji ýarym final duşuşygynda «Leýpsig»-«Atalanta» we «Braga»-«Reýnjers», ikinji ýarym finalda «West Hem»-«Lion» we «Aýntraht»-«Barselona» jübütleriniň ýeňijileri duşuşar.
1/4 final tapgyrynyň birinji oýunlary 7-nji aprelde, jogap oýunlar 14-nji aprelde geçiriler. Ýarym final duşuşyklary 28-nji aprelde we 5-nji maýda geçiriler. Final duşuşygy 18-nji maýda Ispaniýanyň Sewilýa şäherindäki «Roman Sançes Pishuan» stadionynda geçiriler.
