ABŞ-da “Ekiz şäherler” – Minneapolis bilen Sent-Poluň golaýynda ada satyn almak teklibi hödürlendi. Bu emläk 6,6 mln dollara satuwa çykaryldy diýip, New York Post habar berýär. Muny lenta.ru ýetirýär.
Bald Eagle adasy 82 akr meýdany eýeleýär. Onda diňe bir ýaşaýyş jaýy – meýdany 930 müň inedördül metr bolan bäş ýatylýan otagly we alty hammamly üç gatly jaý ýerleşýär. Onuň içinde kinoteatr, iki bar we badminton meýdançasy bar. Daşynda ulag jaýy, doklar we howa ýassygynda hereket edýän gämi bar.
Bu gäminiň kömegi bilen şäherlere 20 minutda ýetmek bolýar. Gyş paslynda suw bilen syýahat etmek mümkin bolmaýar, ýöne adanyň häzirki eýesi Natan Landuççi ýylyň sowuk möwsüminde buzuň awtomobili götermek üçin ýeterlik derejede galyň bolýandygyny aýdýar. Landuççi bu emlägi 2016-njy ýylda 900 müň dollara satyn aldy. Onuň aýtmagyna görä, bahanyň şeýle ösdürilmegi obýekti satyn alandan soň geçiren uly göwrümli abatlaýyş işleri bilen baglanyşykly. Landuççi adadaky jaýyň ikinji ýaşaýjysy boldy. Ondan öň bu jaýda ony 1985-nji ýylda guran maşgala ýaşady.