FIFA-nyň prezidenti Infantino futbolda girdejini paýlamagyň täze shemasyny hödürledi

  • 22.12.2021 16:03
  • 7.2k+

Dünýä futbolynda girdejini paýlamagyň täze shemasy Ýewropa we beýleki assosiasiýalaryň arasynda maliýe serişdeleriniň 60/40% gatnaşygynda paýlanmagyny göz öňünde tutýar. Bu barada Halkara futbol federasiýasynyň (FIFA) prezidenti Janni Infantino žurnalistlere aýtdy diýip, TASS habar berýär.

Bu pikir FIFA-nyň sammitinde öňe sürüldi. Federasiýa halkara oýunlaryň senenamasyna täzeden garamak pikirini gözden geçirýär, oňa laýyklykda dünýä çempionaty dört ýyldan bir gezek däl-de, iki ýyldan bir gezek geçiriler.

“Biziň size hödürlejek gözlegimizde Ýewropa assosiasiýalarynyň girdejiniň 70%-ini, dünýäniň galan böleginiň bolsa 30%-ini alandygyny görersiňiz. Biz 60/40% gatnaşygyndaky girdejini 60% öňki 70%-den ýokary bolar ýaly ýagdaýda paýlamagy teklip edýäris” – diýip, Infantino aýtdy.

“Tejribe halkara senenamasyny has çeýe edip bolýandygyny görkezdi. Her ýyl halkara futbol ýaryşlaryny geçirip bolar, şonda has köp pul maýa goýlup bilner. Her kim oýnamak we köp girdeji almak üçin goşmaça mümkinçilige eýe bolar” – diýip, Infantino dünýä çempionatyny iki ýyldan bir gezek geçirmek mümkinçiligi barada gürrüň etmek bilen belledi.

FIFA-nyň global ösüş bölüminiň başlygy Arsen Wenger dünýä çempionatyny iki ýyldan bir gezek geçirmegiň ähli taraplar üçin bähbitli boljakdygyny aýtdy. “Gözlegler ykdysady nukdaýnazardan hiç hili meseläniň bolmajakdygyny we “pirogyň” uly boljakdygy sebäpli hemmeleriň peýda gazanjakdygyny görkezdi. Biz bir aýda ähli saýlama oýunlaryny oýnamak islemeýän Ýewropa toparlarynyň belliklerini göz öňünde tutduk” – diýip, ol belledi.


düýn 19:46
2.9k+

FIFA we Saud Arabystany ösýän ýurtlara 1 mlrd dollara çenli ýeňillikli karz berer

Halkara futbol federasiýasy (FIFA) Saud ösüş gaznasy (SFD) bilen Ähtnama gol çekdi. Onuň çäklerinde ösüp barýan ýurtlara 1 mlrd dollara çenli ýeňillikli karz berler. Serişdeler stadionlaryň hem-de töweregindäki infrastrukturanyň gurluşygyna we durkuny täzelemek işlerine gönükdiriler diýip, FIFA-nyň resmi saýtyndaky habarda aýdylýar...

düýn 09:22
7k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

28.11.2025 23:17
4.7k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...