«Barselonanyň» metbugat gullugy 15-nji dekabrda hüjümçi Serhio Agueronyň we klubyň prezidenti Žoan Laportanyň gatnaşmagynda metbugat ýygnagynyň geçiriljekdigini mälim etdi. Onda oýunçynyň geljegi barada aýdylar diýip, championat.com habar berdi.
Ýygnak «Kamp Nou» stadionynda geçiriler. Bu metbugat ýygnagynda Agueronyň saglyk meseleleri sebäpli karýerasyny tamamlaýandygyny mälim etmegine garaşylýar.
Ýadymyzda bolsa, Ispaniýanyň çempionatynyň 12-nji aýlawynyň “Alawes” (1:1) bilen geçirilen oýnunyň birinji ýarymynda hüjümçi tahikardiýa sebäpli çalşylypdy. Şonda seresaplylyk üçin oýunçy meýdançadan çykaryldy. Duşuşykdan soň Agueronyň özüni duýşunyň gowudygy habar berildi. Soňra bolsa hüjümçiniň ýürek meselesi sebäpli azyndan üç aýlap oýnamajakdygy belli boldy.
Aguero şu ýylyň iýul aýynda "Mançester Siti"-den "Barselona" geçdi.