Eýran kompaniýasy Türkmenistana awtoulaglary eksport etmäge taýýar

Eýran kompaniýasy Türkmenistana awtoulaglary eksport etmäge taýýar

Eýranyň «Iran Khodro Industrial Group» awtomobil gurluşygy kompaniýasynyň Baş direktory Farşad Mogimi ýangyjyň iki görnüşi boýunça işleýän awtoulaglary türkmen bazaryna eksport etmäge taýýardygyny mälim etdi. Bu ulaglar hem benzin, hem gysylan tebigy gaz-metan arkaly hereket etmäge ukyplydyr. Bu barada orient.tm habar berýär. 

Tähranda «Türkmenawtoulaglary» agentliginiň ýolbaşçysy Guwançmyrat Akmämmedow bilen geçirilen gepleşikleriň barşynda Mogimi awtomobil önümçiligi boýunça dürli görnüşli eýran harytlarynyň, şol sanda hususy we ýeňil awtoulaglaryň önümçiliginiň harytlary Türkmenistana satuwdan soňky hyzmatlar bilen bilelikde hödürlemäge mümkinçilik berýändigini belledi.

«Iran Khodro Industrial Group» kompaniýasynyň ýolbaşçysy şeýle-de türkmen bazaryna awtobuslary eksport etmäge taýýardygyny, bu işleri ýakyn wagtda amala aşyrmagyň mümkin boljakdygyny hem aýtdy.