Moldowa Respublikasynyň Garaşsyzlygynyň 30 ýyllygy mynasybetli türkmen Lideri Gurbanguly Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Moldowa Respublikasynyň Prezidenti hanym Maýa Sandua hem-de onuň üsti bilen ýurduň ähli dostlukly halkyna tüýs ýürekden çykýan gutlaglaryny ýollady.
Gutlagda: “Garaşsyzlyk ýyllarynda Siziň ýurduňyzyň syýasy, ykdysady we durmuş ulgamlarynda ýeten üstünliklerini hem-de döwletlerimiziň arasynda emele gelen ikitaraplaýyn gatnaşyklaryň ýokary derejesini bellemek bizi guwandyrýar. Türkmenistanyň we Moldowanyň döwletara gatnaşyklaryny mundan beýläk-de giňeltmäge we ösdürmäge ygrarly bolmagy iki halkyň bähbitlerine doly laýyk gelýändigine berk ynanýaryn” diýip bellenilýär.
Ýeri gelende bellesek, Günorta-Gündogar Ýewropada ýerleşýän Moldowa Respublikasynyň döwlet Garaşsyzlygy 1991-nji ýylyň 27-nji awgustynda yglan edildi. 2020-nji ýylyň 24-nji dekabryndan bäri ýurduň Baştutany wezipesini Maýa Sandu ýerine ýetirýär.