Türkmenistanyň Germaniýa Federatiw Respublikasyndaky Adatdan daşary we Doly ygtyýarly ilçisi Berdimyrat Rejepow Warşawa şäheriniň «Belweder» köşgünde Polşa Respublikasynyň Prezidenti Anjeý Duda Türkmenistanyň Polşa Respublikasyndaky Adatdan daşary we Doly ygtyýarly ilçisi hökmünde özüniň ynanç hatlaryny gowşurdy. Bu barada mfa.gov.tm saýtynda maglumat berilýär.
Dabaranyň dowamynda türkmen diplomaty Türkmenistanyň Prezidenti Gurbanguly Berdimuhamedowyň Polşa Respublikasynyň Prezidentiniň adyna ýollan salamyny we iň gowy arzuwlaryny ýetirdi. Polşa Respublikasynyň Prezidenti Anjeý Duda Türkmenistanyň Prezidentiniň adyndan aýdylan mähirli sözleri üçin minnetdarlyk bildirip, öz nobatynda, Türkmenistanyň Prezidentine we halkyna parahatçylyk we gülläp ösüş ugrundaky iň gowy arzuwlaryny ýetirmegi sorady.
Ýeri gelende ýatlatsak, Türkmenistan bilen Polşa Respublikasynyň arasyndaky diplomatik gatnaşyklar 1992-nji ýylyň 29-njy sentýabrynda nota alyşmak esasynda ýola goýuldy.
