Ýewro-2020: Ukraina 120-nji minutda gol geçirip, Şwesiýadan üstün çykdy

Ýewro-2020: Ukraina 120-nji minutda gol geçirip, Şwesiýadan üstün çykdy

Futbol boýunça Ýewropa çempionatynyň 1.8 final tapgyrynda Ukrainanyň milli ýygyndysy Şwesiýadan üstün çykdy. Glazgoda (Şotlandiýa) geçirilen duşuşyk 120 minut dowam etdi we 1:2 hasabynda tamamlandy.

Oýnuň esasy wagtynyň 27-nji minudynda ukrainalylaryň ýarymgoragçysy Aleksandr Zinçenko hasaby açdy. Şwesiýalylardan hüjümçi Emil Forsberg 43-nji minutda hasaby deňledi. Ýeňiş goluny eýýäm goşmaça wagtyň soňky pursatlarynda (120+1) Artýom Dowbik geçirdi.
Oýnuň 99-njy minudynda Şwesiýanyň ýarymgoragçysy Markus Danielsson gyzyl duýduryş aldy.
Belläp geçsek, Ukraina Ýewro-2020-niň pleý-off tapgyryna C toparda Awstriýadan we Niderlandlardan utulyp, üçünji ýerden çykdy. Şwesiýa E toparda Ispaniýany, Slowakiýany we Polşany öňürdip, birinji orny aldy.
1/4 finalda Ukraina Angliýanyň milli ýygyndysy bilen duşuşar.