Guterriş BMG 2.0 guramasyny döretmegi söz berdi

  • 23.06.2021 19:16
  • 3.9k+

Golaýda BMG-niň Baş sekretary wezipesine ikinji möhlete saýlanan Antoniu Guterriş geljek bäş ýylda BMG 2.0-y — häzirkiden has integrirlenen we döwrüň talaplaryna jogap berip biljek guramany döretmegi göz öňünde tutýar. TASS agentligi bu barada käbir maglumatlary getirýär.

«Biz has integrirlenen, jebis hem-de döwrüň talaplaryna laýyk gelýän, içerki guramalar bilen işjeň özara gatnaşyk saklaýan ählumumy düzümi döretmek maksady bilen, özgertmeler meýilnamasy esasynda öz tagallalarymyzy BMG 2.0 guramasyny döretmegiň üstünde işlemäge gönükdireris» diýip, Guterriş wezipesine gaýtadan girişmegi mynasybetli eden çykyşynda belledi. 

Koronawirus ýokanjyna we garyplyga garşy göreşmegi, dünýädäki ähli adamlar üçin koronawirus sanjymlarynyň elýeterliliginiň üpjün edilmegini, deňhukuklylyk we raýdaşlyk esasynda köptaraplaýyn hyzmatdaşlygy ösdürmegi, parahatçylygy hem-de howpsuzlygy berkitmegi Baş sekretar öz işiniň ileri tutulýan ugurlarynyň hatarynda görkezdi. 

«Deňsizligiň, gapma-garşylyklaryň we pandemiýanyň soňuna çykmak biziň işimiziň esasy sözleridir» diýip, Guterriş sözüniň üstüni ýetirdi.


düýn 10:16
1.5k+

ÝUNISEF-iň we ÝUNFPA-nyň Türkmenistandaky wekilhanalarynyň 2026-njy ýyl üçin iş meýilnamalary taýýarlanyldy

2026-2027-nji ýyllarda anyk çäreleri geçirmek üçin BMG-niň Çagalar gaznasy we Ilat gaznasy bilen Türkmenistanyň degişli ministrlikleriniň, pudak edaralarynyň, jemgyýetçilik guramalarynyň arasynda dürli ugurlar boýunça jemi 16 sany resminamanyň taslamalary işlenip taýýarlanyldy...

27.11.2025 12:41
3.1k+

Türkmenistan Adwokatlaryň Milli hünär assosiasiýasyny döretmek ugrunda iş alyp barýar

Türkmenistanda Adwokatlaryň milli hünär assosiasiýasyny döretmek meselesi ara alnyp maslahatlaşylýar. Bu mowzuk 21-nji noýabrda Aşgabatda geçirilen we ýuridik kömek ulgamyny ösdürmäge hem-de adam hukuklaryny goramakda aklawçylaryň roluny güýçlendirmäge bagyşlanan tegelek stoluň merkezi meselesi boldy...

26.11.2025 17:48
5.1k+

BMG Baş sekretar wezipesine dalaşgärleri saýlap almak işine başlady

Birleşen Milletler Guramasynyň (BMG) Baş sekretary wezipesine täze dalaşgärleri hödürlemek prosesi Howpsuzlyk Geňeşi bilen Baş Assambleýanyň bilelikdäki beýanatyndan soň başlady. Saýlaw işleriniň başlanandygy baradaky...

14.11.2025 18:57
4.3k+

Oguljahan Atabaýewa BMG-niň Türkmenistandaky hemişelik utgaşdyryjysy bilen duşuşdy

13-nji noýabrda Türkmenistanyň Zenanlar birleşiginde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa BMG-niň Türkmenistandaky hemişelik utgaşdyryjysy Dmitriý Şlapaçenko bilen duşuşdy...