Hytaýda koronawirusa garşy 1 milliarddan gowrak sanjym edildi

Hytaýda koronawirusa garşy 1 milliarddan gowrak sanjym edildi

Hytaý lukmanlary sanjym kampaniýasynyň dowamynda ýurduň ýaşaýjylaryna koronawirusa garşy 1 milliarddan gowrak sanjym etdiler. Bu barada HHR-iň Gigiýena we saglygy goraýyş meseleleri boýunça döwlet komitetiniň habarynda aýdylýar. Muny news.mail.ru ýetirýär.

2021-nji ýylyň 19-njy iýunyndaky ýagdaý boýunça, HHR-iň 31 administratiw birliginde täze görnüşli koronawirusa garşy jemi 1,01 mlrd sanjym edildi diýlip, edaranyň saýtyndaky habarda bellenilýär.
Hytaýyň ilatynyň birinji hatarda duran toparlaryna sanjym etmek işi 2020-nji ýylyň 15-nji dekabrynda başlandy. Fewral aýynyň ahyryndaky maglumatlar boýunça, HHR-iň häkimiýetleri sanjymy ýurduň 54,52 mln ýaşaýjysynyň arasynda paýladylar. 1-nji aprele çenli 126,6 mln sanjym, 1-nji maýa çenli 270,41 mln, 1-nji iýuna çenli 681,9 mln sanjym edildi.
Öň, HHR-iň abraýly epidemiology Çžun Nanşan häkimiýetleriň iýun aýyna çenli respublikanyň ýaşaýjylarynyň, takmynan, 40%-ine, ýagny 1,4 milliarddan gowrak adamdan 560 mln adama sanjym etmek meýilnamalary barada habar berdi.