Türkmenistanyň DIM-niň Halkara gatnaşyklary instituty hojalyk hasaplaşygyna geçiriler

  • 12.06.2021 18:32
  • 23k+

Wise-premýer, daşary işler ministri R.Meredow DIM-niň Halkara gatnaşyklary institutynyň işini kämilleşdirmek boýunça alnyp barylýan işler barada döwlet Baştutanyna hasabat berdi.

Bellenilişi ýaly, häzirki wagtda Halkara gatnaşyklary institutynda fakultetleriň 4-si, kafedralaryň 6-sy, merkezleriň 3-si hereket edýär. Ýurdumyzyň diplomatik gullugy üçin hünärmenleri taýýarlamak ulgamyny özgertmek maksady bilen, degişli teklipler işlenip taýýarlanyldy.
Hususan-da, iki basgançakly bakalawr we magistr bilim maksatnamasyna geçmek üçin öňümizdäki okuw ýylynda ýokary okuw mekdebinde tölegli esasda käbir ugurlary açmak teklip edilýär. Geljek ýyllarda beýleki hünärler boýunça şu esasda okatmak hem-de instituty hojalyk hasaplaşygyna geçirmek göz öňünde tutulýar.
Şunuň bilen birlikde, Halkara gatnaşyklary institutynyň düzümini kämilleşdirmek bilen baglylykda, täze okuw bölümlerini, şol sanda ýokary okuw mekdebiniň ýanynda ýaş diplomatlaryň mekdebini, strategik barlaglar boýunça ylmy merkezi açmak, şeýle hem sanly ulgamlar we kommunikasiýa bölümini döretmek maksadalaýyk hasaplanylýar.
Döwlet Baştutany hödürlenen teklipleri makullap, wise-premýere, daşary işler ministrine ýurdumyzyň diplomatik gullugy üçin ýokary hünärli hünärmenleri taýýarlamak boýunça işleri yzygiderli dowam etdirmegi tabşyrdy.

düýn 22:13
1.3k+

Türkmenistanly talyp «Future Skills Sprint» atly halkara bilim maksatnamasyna gatnaşdy

Türkmenistanyň Oguz han adyndaky Inžener-tehnologiýalar uniwersitetiniň 4-nji ýyl talyby Aýsoltan Annamämmedowa 20 – 22-nji noýabr aralygynda Stambul (Türkiýe) şäherinde geçirilen «Future Skills Sprint» atly halkara bilim başlangyjynyň çäklerindäki okuwlara gatnaşdy...

düýn 22:10
1.6k+

Türkmenistanda mekdebe çenli bilim boýunça täze okuw gollanmasy neşir edildi

Türkmenistanda «Mekdebe çenli terbiýäni guramak we dolandyrmak» atly täze okuw gollanmasy neşir edildi. Ol Seýitnazar Seýdi adyndaky türkmen döwlet mugallymçylyk institutynyň pedagogika kafedrasynyň uly mugallymy N...

24.11.2025 00:01
4.6k+

Türkmenistanyň DIM-niň HGI Fransiýanyň öňdebaryjy ýokary okuw mekdepleri bilen hyzmatdaşlygy ýola goýýar

«Türkmen-Fransuz gatnaşyklary: häzirki zamanyň kynçylyklary we geljegi» atly maslahatyň çäklerinde, Türkmenistanyň Daşary işler ministrliginiň Halkara gatnaşyklary institutynyň rektory Gülşat Ýusupowa Parižde Fransiýanyň...

23.11.2025 22:56
5.2k+

Merkezi Aziýa döwletleri ýokary okuw mekdepleriniň diplomlaryny özara ykrar etmek barada ylalaşdylar

Merkezi Aziýa döwletleri akkreditirlenen ýokary bilim edaralary tarapyndan berlen diplomlary özara ykrar etmek barada ylalaşyga gol çekdiler. Orient agentliginiň Zakon.kz portalyna salgylanyp ýazmagyna görä, resminamada sebitiň döwletleriniň, şol sanda Türkmenistanyň hem, şeýle diplomlary umumy şertlerde ykrar etmek barada ylalaşandygy aýdylýar...