BMW özüniň täze i4 elektrik sedanyny tanyşdyrdy. Ol täze bazarlary ele almakda kompaniýanyň esasy we möhüm elektrik ulagy bolar diýip, cursorinfo.co.il habar berdi.
Kompaniýa i4 elektrikli sedanyň goşmaça aýratynlyklary, bahasy we elýeterliligi baradaky maglumatlary mälim etdi. Şeýle hem, kompaniýa geçen ýylyň ahyrynda anons eden iX kaşaň ulagynyň bahasy we goşmaça maglumatlary, şeýle hem onuň 600 at güýjüne eýe wersiýasy baradaky habarlary köpçülige ýetirdi. "Engadget"-iň habar bermegine görä, bu modelleriň ikisi hem 2022-nji ýylyň birinji çärýeginde satuwa çykarylar.
i4 BMW 4 seriýasynyň elektrikleşdirilen modeli hökmünde, eDrive EV platformasynda işlemek bilen, kompaniýanyň elektrikli geljeginiň esasy daýanjy bolar. Yzky tigiri çekýän, 300 kilometre çenli aralygy üpjün edip bilýän 81,5 kWt sagatlyk batareýaly i4 eDrive40-yň bahasy 55,400 dollardan başlar. Awtoulag 337 at güýji bolan elektrikli hereketlendirijide işleýär we 5,7 sekuntda noldan 60 mil/s tizlige çykýar diýip, çeşme belleýär.