Hytaýda «bir maşgala — üç çaga» syýasaty giriziler

Hytaýda «bir maşgala — üç çaga» syýasaty giriziler

Hytaýyň Kommunistik partiýasynyň merkezi komitetiniň syýasy býurosy ýurduň raýatlaryna maşgaladaky çagalaryň sanyny 3-e ýetirmäge rugsat berdi. Ýöne entek bu çözgüdiň haçandan güýje girjekdigi aýdylmaýar diýip, euronews.com habar berýär. 

Hytaýyň ilaty häzirki wagtda 1 milliard 400 milliona barabar. Ýöne ýurtda dogluş görkezijisi yzygiderli peselýär. Geçen ýylda bolsa HHR-iň esaslandyrylan wagtyndan bäri onuň iň pes görkezijisi hasaba alyndy. Merkezi komitetiň beýanatyna görä, Hytaýyň ilatynyň garramagy demografik syýasata täze üýtgeşmeleri girizmäge sebäp boldy.
Mälim bolşy ýaly, HHR-iň Hökümeti tebigy resurslaryň çäklidigini nazara alyp, 1979-njy ýylda «Bir maşgala — bir çaga» syýasatyny girizdi. Ol belli bir derejede ýurtdaky durmuş ýagdaýlaryny gowulandyrmaga täsir eden hem bolsa, gender deňagramlylygynyň bozulmagyna getirdi: jemgyýetde oglanjyklary terbiýelemäge üns güýçlendi. Bu ugurda gazanylan oňyn netijeler 2016-njy ýylda «Bir maşgala — bir çaga» syýasatynyň bes edilmegine getirdi. Häzir hytaýlylara maşgalada 2 sany çaga rugsat berilýär.