Gurbanguly Berdimuhamedow kyblasynyň kyrky mynasybetli sadaka berdi

  • 28.05.2021 12:50
  • 34k+

27-nji maýda Prezident Gurbanguly Berdimuhamedow paýtagtymyzyň «Parahat-7» ýaşaýyş toplumynda ýerleşýän «Hezreti Omar» metjidinde kakasy Mälikguly Berdimuhamedowyň kyrky mynasybetli sadaka berdi.

Mälikguly Berdimuhamedowyň tutuş ömrüni halkyna, mähriban Watanyna bagyşlamagy hemmeler, aýratyn-da, milli Liderimiziň ägirt uly özgertmeler maksatnamalaryny durmuşa geçirmek wezipesi ynanylan ýaş nesiller üçin nusgalykdyr.
Döwlet Baştutanynyň belleýşi ýaly, has wajyp meseleler boýunça oňyn çözgüdi kabul etmekde oňa kakasy Mälikguly Berdimuhamedow hemişe kömek edipdir we Arkadagymyz her bir işde hoşniýetli, örän talabediji halypasy bilen maslahatlaşypdyr.
Metjitde Türkmenistanyň müftüsi Gurbanguly Berdimuhamedowyň kyblasy Mälikguly aganyň hatyrasyna aýat okady we merhumyň jaýynyň jennet, ruhunyň şat bolmagyny Beýik Biribardan dileg etdi.
Ýagşy dileglerden soňra, merhumyň hormatyna tebärek çykyldy.
Tebärekden soňra döwlet Baştutanynyň mähriban kakasynyň kyrkyna gatnaşýanlara ýörite taýýarlanan tagamlar çekildi.
Sadaka gatnaşanlar tagamlardan dadansoňlar, Türkmenistanyň müftüsi aýat-töwir okady we Watanyň wepaly Ogly Mälikguly Berdimuhamedowyň ruhunyň şat bolmagyny dileg etdi.
Döwlet Baştutany bu ýere ýygnananlara ýüzlenip, okalan aýat-töwirleriň Beýik Biribaryň dergähinde kabul bolmagyny dileg etdi we kakasy baradaky käbir ýatlamalaryny aýdyp berdi.

düýn 23:12
4.7k+

San-Diegoda iki jahan urşuny başdan geçiren 141 ýaşly pyşbaga Ene bilen hoşlaşyldy

San-Diego haýwanat bagynyň iň garry ýaşaýjysy, 141 ýaşly Ene (Gramma) atly galapagos pyşbagasy aradan çykdy. Haýwanat bagynyň işgärleri süňk keseli sebäpli ony uka gidirmeli boldy. CNN-iň habar bermegine görä, ewtanaziýa baradaky çözgüt jandaryň ýaş bilen bagly başdan geçirýän azaplary sebäpli kabul edildi...

düýn 12:06
2.1k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

düýn 12:02
2.1k+

Chanel Şanhaýda ilkinji jemgyýetçilik kitaphanasyny açdy

Chanel Modalar öýi Şanhaýda häzirki zaman sungatyna bagyşlanan ilkinji jemgyýetçilik kitaphanasy bolan Espace Gabrielle Chanel-i açdy. Bu barada Hypebeast žurnaly habar berýär. 18 müň inedördül fut meýdany bolan bu giňişlik Power Station of Art muzeýiniň üçünji gatynda ýerleşýär we onda 50 müňden gowrak kitap hem-de audio neşir bar...

düýn 11:55
4.2k+

1609-njy ýylyň ispan altyn teňňesi auksionda rekord mukdara satyldy

1609-njy ýylda Ispaniýanyň patyşasy Filipp III üçin zikgelenen ispan altyn teňňesi Şweýsariýadaky auksionda rekord 3,49 mln dollara satyldy. Ol Ýewropada iň gymmat satylan teňňe boldy diýip, Reuters ýazýar. Onuň başlangyç bahasy 2,46 mln dollardy...