BAÝDAGYMYZ BUÝSANJYMYZ

  • 18.05.2021 06:54
  • 14k+

Baýdak – milli gymmatlyk. Sarpasy ýürekde, özi serden belentde göterilýän mukaddeslik.
Baýdak – döwletliligiň nyşany.
Topragyňa söýgi – Watanyň gursakda göterilmegidir. Baýdak – Watanyň elde göterilmegidir.

Baýdak – pederleriň howalasy ýatmaýan ruhy, nesilleriň – geljegine bolan ynamydyr. Baýdagyň mukaddesligi, onuň her bir adam, halk, döwlet üçin näderejede gymmatlydygy hakda täsin ýazgylara gabat gelip bolýar.  Ata Watanyň topragy watanperwer ynsana nähili duýgy berip bilýän bolsa, şol keramat baýdakda hem bardyr. Milli baýdagyň bardygy – döwletiň bardygyny aňladýar. Döwlet bolsa biziň millet, halk hökmünde erkin we garaşsyz ýaşaýandygymyzyň güwäsi.  
Taryhymyzda baýdak hakda ençeme zatlar ýazylan. Harby we adaty ýagdaýlarda ol tug, baýdak, sanjak ýaly atlandyrylypdyr. Meşhur taryhçylarymyz, türkmen soltanlarynyň kätipleri bu gymmatlyk hakda şeýle dil ýarýar: «Her döwletiň ykrar edilen bir baýdagy bardyr. Baýdagyň dowamaty döwletiň dowamlylygy bilen deňdir.  Tagta täze geçen hökümdar özbaşdak baýdak edinmeýär. Ol ata-baba mukaddeslige wepaly bolmalydyr».
Baýdak götermek her kime ynanylmaýar. Baýdak götermek iň uly mertebeleriň, wezipeleriň biri. Ol diňe mert, gaýduwsyz, pähimli, ugurtapyjy, halalhon we wepaly adamlaryň eline berlipdir. Baýdak dik tutulypdyr, çünki ol esgerleri söweşe, ynsanlary beýik işlere ruhlandyrýan gudrat hasaplanylýar. Eliňde baýdak götermek ynsanlykda bir derejedir.
Her bir baýdak özünde haýsy hem bolsa bir çuňňur manyny aňladýan ýazgylary ýa-da şekilleri jemleýär. Biziň bäş gölli, bäş ýyldyzly we ýarymaýly ýaşyl baýdagymyzyň hem özüne ýetik hikmeti bar. Ýaşyl reňk ebediligiň, bakylygyň, joşgunlylygyň reňki hasaplanýar. Ol ýerde türkmeniň köki müňýyllyklara uzaýan arassa ynanç-ygtykady, asyrlara ulaşjak bagtly geljegine bolan ynamy, ömrüniň manysy ýatyr. Ýaşyl tugumyz – ylhamdarymyzdyr. Bizi üstünliklere, ösüşlere, milli buýsanja ruhlandyrýan nazargähimizdir. Döwlet baýdagymyz milletiň bitewiliginiň, garaşsyzlygynyň we döwletiň bitaraplygynyň nyşanydyr.
Goý, belentde pasyrdaýan baýdagy bolan Döwletimiziňem, Döwrümiziňem, geljege ynamly garaýan göwnümiziňem joşguny egsilmesin, pasyrdysy ýatmasyn!

şu gün 00:55
182

YouTube gözlegiň netijelerinde AI-synlary synag edip başlady 

YouTube gözlegiň netijelerine AI-niň döreden gysgaça mazmunyny goşýan täze funksiýany synap başlady. Ilkibaşda ol diňe ABŞ-daky ykjam enjamlarda YouTube Premium-yň ulanyjylary üçin elýeterli bolar. Işledilende gözlegiň netijeleri esasy wideony, beýleki wideolaryň miniatýuralaryny we AI-niň döreden tekst synyny görkezýär...

düýn 19:48
5.7k+

Türkmenistanda hepdelik howa maglumaty (30.06 - 06.07)

Aşgabatda üýtgäp durýan bulutly howa bolup, howa gündizlerine +33 ... + 35 gradusdan +39 ... +41 gradusa çenli yssy, gijelerine +22 ... +24 gradusdan +25 ... + 27 gradusa çenli maýyl bolar. Ahal welaýatynda wagtal-wagtal açylýan bulutly howa bolup, howa gündizlerine +31 ...

düýn 19:27
1.2k+

PNG formaty 20 ýyldan soň ilkinji gezek täzelendi. Indi ol HDR-y, animasiýany we Exif-i goldaýar

PNG formaty 20 ýyldan soň ilkinji resmi täzelenmesini aldy. Oňa ýokary dinamiki diapazonly (HDR) şekilleri goldamak mümkinçiligi goşuldy. Şeýle ýagdaýda faýlyň ölçegi bary-ýogy 4 baýt artýar. Şeýle hem standart ilkinji gezek resmi taýdan APNG formatyny (Animated PNG) ykrar etdi...

düýn 19:10
2.5k+

Täze agent 007-niň keşbine dalaşgärleriň arasynda Tom Holland, Jeýkob Elordi we Harris Dikinson bar

Amazon täze Jeýms Bonduň keşbi üçin 30 ýaşdan kiçi britaniýaly aktýor gözleýär. Bu barada Variety neşiri habar berýär. Neşiriň maglumatlaryna görä, dalaşgärleriň arasynda Jeýkob Elordi («Soltbern»), Tom Holland («Möý adam») we Harris Dikinson («Erbet gyz») bar...