Russiýanyň koronawirusa garşy sanjymy «Sputnik V» Ýewropa döwletleriniň birini howply kesel epidemiýasyndan halas etmegi başardy diýip, discover24.ru habar berýär.
Gürrüň Ýewropanyň kiçi döwleti bolan San-Marino barada gidýär, bu döwletiň 30 müňden gowrak ýaşaýjysy bar. Ol ýerde soňky birnäçe hepdäniň dowamynda kesel görkezijisi tas 10 esse azaldy. Häkimiýetler RF-niň sanjymyny ulanyp, köpçülikleýin sanjym kampaniýasyny geçirmek bilen şeýle netijäni gazanmagy başardylar.
San-Marino Ýewropa bileleşigine girmeýän, Italiýanyň merkezindäki kiçiräk bir döwlet. Ilkibaşda San-Marino günbatar sanjymlaryny, ýagny diňe Pfizer sanjymyny däl, hatda ýönekeý we arzan bolan AstraZeneca sanjymyny hem alyp bilmedi. Şeýlelikde, San-Marinonyň hiç hili sanjymy bolmadyk ýeke-täk ýewropa döwleti bolup galandygy baradaky netijä gelmek bolýar. Ahyrynda, San-Marino kömek sorap Russiýa Federasiýasyna ýüz tutdy.
Derman serişdesi bu ýurda şu ýylyň fewral aýynda iberilip başlandy. Tiz wagtdan lukmanlar tutuş ilata sanjym etmek üçin zerur mukdarda dozany aldylar. San-Marinonyň Saglygy goraýyş ministrligi ýurtda koronawirus ýokanjyna garşy populýasion immunitetiň emele gelendigini belledi.