The Moscow Post informasion portalynyň habar bermegine görä, Netflix striming hyzmaty şu tomus tomaşa edip boljak 13 sany täze filmiň çykjakdygyny anons etdi. Bu barada sm.news habar berýär.
2-nji iýunda “Karnawal” kinokartinasynyň, 9-njy iýunda “Ukusyzlar” (“Неспящие”) ylmy-fantastiki trilleriniň, “Arzuwlar aždarhasy” (“Дракон желаний”) multfilminiň premýerasy bolar. 11-nji iýunda “Çöl delfini” (“Дельфин пустыни”) dramasynyň premýerasy geçiriler, 18-nji iýunda bolsa iki film – “Jagame Thandiram” we “Atalyk” görkeziler. 23-nji iýunda “Kagyz ýüzünde ähli zat gowy görünýär” (“На бумаге все выглядит хорошо”) filmi bilen tanyşmak bolar.
Mundan başga-da, tomsuň ahyryna çenli tomaşaçylar şeýle filmleri görüp bilerler: 25-nji iýunda baş keşbi Liam Nisonyň janlandyrmagynda “Buzly ýol” (“Ледяная дорога”) trilleri, 30-njy iýunda baş keşpde Çenning Tatumyň bolmagy bilen “Amerika: Kinofilm” komediýasy. 29-njy iýulda “Söýgüden gaçyp bilmersiň” (“От любви не убежишь”) romantik komediýasy, 30-njy iýulda Žan Klod Wan Damm bilen uruşly “Iň soňky hakyna tutma” (“Последний наемник”) filmi görkeziler.
Tomsuň soňky aýyna “Körpe” ("Малышка", 20-nji awgust) trilleriniň we “Bularyň hemmesi ol” ("Это все он", 27-nji awgust) melodramasynyň premýerasy meýilleşdirilýär.