2021-nji ýyldaky "Kann" film festiwaly Leos Karaksyň filmi bilen açylar

2021-nji ýyldaky "Kann" film festiwaly Leos Karaksyň filmi bilen açylar

"Kann" film festiwaly şu ýyl Leos Karaksyň režissýorlygyndaky "Annett" filmi bilen açylar.  Festiwal 6-njy iýuldan 17-nji iýul aralygynda Fransiýada geçiriler. Filmde baş rollarda Adam Draýwer we Marion Kotiýýar çykyş edýär. Bu barada festiwalyň metbugat gullugy habar berdi.

"Annettiň" režissýoryň iňlis dilinde surata düşüren ilkinji filmidigini bellemek gerek. Onuň mundan öňki taslamasy 8 ýyl ozal çykypdy. Ol film “Sacred Motors Corporation” diýlip atlandyrylýardy we ol hem "Kann" festiwalynda görkezilipdi.
"Annett" filminde Los-Anjelesde ýaşaýan we işleýän meşhur komediýaçy Genri hakda gürrüň berilýär. Onuň aýaly Enn - aýdymçy. Olar - aňrybaş gowy jübütler. Şeýle-de bolsa, olaryň çagasy - gyzlary Annett doglansoň hemme zat üýtgeýär.
"Annett" režissýor Leos Karaksyň ideýasyna görä surata düşürilýän altynjy filmidir.