"Praým" agentligi "Barýer" kompaniýasynyň biohimik hünärmeni Mariýa Kuleşowa bilen söhbetdeşlik geçirdi. Söhbetdeşligiň dowamynda hünärmen plastik gaplardaky suwuň saglyga ýetirýän zyýany barada aýtdy. Muny ferra.ru habar berdi.
Kuleşowa şwesiýaly alymlaryň plastmassadan suw içýänlerde düwnük keseliniň döremek ähtimallygynyň ýokarlanýandygyny anyklan ylmy barlagynyň netijesini mysal getirdi.
"Birsalym Günüň aşagynda duran gapdan suw içmek bu howpy on esse ýokarlandyrýar" diýip, biohimik duýdurdy. Şeýle hem ol plastmassanyň immun ulgamynyň we bagryň işleýşine-de ýaramaz täsir edýändigini belledi.
Plastmas gapdaky suwuň duzsuzlandyrylan bolmagy, şonuň üçin-de onuň peýdaly häsiýetleriniň ýiten bolmagy mümkin. Eger-de suwuklyk gaplanmazdan ozal "ters osmos" usuly arkaly arassalanan bolsa, onda ol düzümi boýunça distillendirilen suw bilen deň hasaplanylýar. Şeýle hem Kuleşowa suwuň magniý we sink elementlerine baý bolmalydygyny nygtaýar.