Germaniýanyň BMW kompaniýasy häzirki wagtda X8 krossowerini synagdan geçirýär. Bu barada vevby.ru habar berýär.
Deslapky maglumatlara görä, ady agzalan awtoulagyň öň tarapynda, esasan, aýratyn faralar bilen bagly üýtgeşmeler bolar. Synag astyndaky prototipiň yzky böleginde wagtlaýyn yşyklary görmek bolýar.
Ýol synagyndan geçen ulagyň kuzowyndaky ýörite nakleýkalar onuň gibrid ulagdygyny görkezýär. Awtoulag göwrümi 4,4 litr, kuwwatlylygy 760 at güýji bolan 8 silindrli benzin hereketlendirijisine esaslanýan gibrid enjamyna eýe bolar diýip çaklamak bolar.
Deslapky maglumatlara görä, ulag şu ýylyň ahyryna çenli tanyşdyrylar. Awtoulagyň bahasy barada bolsa entek maglumatlar ýok.
