HBO teleýaýlymy “Tagtlaryň oýnunyň” birinji bölüminiň çykan gününiň on ýyllygy mynasybetli aprel aýynyň dowamynda “Demir ýyllygyň” (The Iron Anniversary) bellenjekdigini habar berdi. Bu wakanyň çäginde teleýaýlym serialyň marafonyny görkezer, şeýle-de täze harytlar satuwa çykar diýip, gazeta.ru belleýär.
Mundan başga-da, “Faberže” kompaniýasy 2021-nji ýylda dizaýny Deýeneris Targariýeniň taryhyndan ruhlanan, göwher we lagyl bilen bezelen, özboluşly gymmat bahaly ýumurtgany çykarar. Bu önüm 2,2 mln dollara durýar. Ýumurtganyň bezegi Faberge Ltd-niň meşhur dizaýneri Liýsa Tallgren we “Tagtlaryň oýnunyň” egin-eşik boýunça dizaýneri Mişel Klepton tarapyndan taýýarlandy.
Şeýle-de, Funko Pop brendi gahrymanlar bilen heýkeljikleriň çäkli tapgyryny çykarar.
HBO Max striming hyzmaty “Tagtlaryň oýny”, serialyň döredilişi we “pashalkalar” (gizlin zatlar) barada maglumatlary saklaýan ýörite interaktiw sahypany görkezer. Abunaçylar 150-den gowrak wideolara, şol sanda serialyň surata düşürilişi baradaky roliklere elýeterlilik alarlar.
Ýatlap geçsek, “Tagtlaryň oýnunyň” birinji bölümi HBO ýaýlymyna 2011-nji ýylyň 17-nji aprelinde çykdy.
