Belaň körügi Uhandamy? BSGG koronawirusyň gelip çykyşy hakyndaky netijelerini aýan etdi

  • 31.03.2021 21:27
  • 38k+

Bütindünýä Saglygy Goraýyş Guramasy pandemiýa sebäp bolan SARS-CoV-2 koronawirusynyň gelip çykyşyny kesgitlemek maksady bilen guramanyň halkara bilermenler topary tarapyndan geçirilen barlagyň netijeleri barada hasabatyny beýan etdi.

Hünärmenler koronawirusyň barlaghana şertlerinde ýüze çykmagynyň ähtimallygyna az ähmiýet berseler hem, bu babatda henizem doly ylalaşyga gelip bilmediler.
Hasabatda wirusyň döreýşiniň dört görnüşi hödürlenilýär. Olaryň her biri hem ähtimallyk babatda bahalandyryldy.
Hünärmenler pandemiýanyň ýüze çykmagynyň iň ähtimal çeşmesi hökmünde wirusyň adamlara ýarganatlardan araçy haýwanyň üsti bilen ýokuşmagydygyny aýdýarlar. Wirusyň ýarganatlardan göni ýokuşmagy hem mümkin bolan garaýyş hökmünde kesgitlenildi.

Wirusyň doňdurylan ýa-da sowadylan önümlerden ýokuşmak ähtimallygyna az ähmiýet berildi.
Wirusyň Hytaýyň Uhandaky barlaghanasyndan syzyp ýaýramak ähtimallygyna hem «aşa az ähmiýet» berildi.

Şol bir wagtyň özünde hasabatyň awtorlary COVID-19-yň gelip çykyş meselesini öwrenmegi dowam etdirmäge çagyrdylar.
Alymlar 2019-njy ýylyň ahyrynda täze wirusyň ilkinji keselleme ýagdaýynyň hasaba alnan Uhan şäherindäki meşhur Huanan deňiz önümleri lomaý bazarynyň esasy roluny takyk kesgitläp bilmediler. Hünärmenler maglumatlaryň ýeterlik bolmanlygy sebäpli koronawirusyň haýwandan adama ýokuşmagynyň hut şu bazarda ýüze çykandygyny ýa-da hemişe köp adamly ýer hökmünde keseliň şol ýere başga bir ýerden getirilendigini takyklap bilmediler.

Halkara hünärmenler topary 2021-nji ýylyň 14-nji ýanwaryndan 10-njy fewraly aralygynda koronawirus ýaýrawynyň başlan ýeri bolan Uhan şäherinde barlag geçirdiler. Toparyň düzümine Hytaýdan 17 we beýleki ýurtlardan 17 sany hünärmen girdi.

düýn 11:17
2.7k+

Alymlar 200 mln ýyl ozal ýaşan pterozawryň täze görnüşini suratlandyrdylar

ABŞ-nyň Smitsonow institutynyň işgärleri Petrifaýd-Forest milli seýilgähinde (Arizona ştaty)  209 million ýyl mundan ozal ýaşap geçen pterozawrlaryň näbelli görnüşleriniň galyndylaryny tapdylar. Edaranyň metbugat gullugynyň habaryna görä, tapyndy giçki trias döwrüne degişlidir...

düýn 11:09
2.3k+

Ýapon kompaniýasy beýni tolkunlaryny sungat eserlerine öwürýär

Ýaponiýanyň Brainwave Trading Center kompaniýasy adamlaryň beýnisiniň işjeňligini sungat eserlerine öwrüp başlady diýip, South China Morning Post habar berýär. Tehnologiýa Tokiodaky BWTC Metaverse Store dükanynda oturdyldy...

düýn 11:01
4.1k+

“Ýüzükleriň hökümdary” filminiň režissýory ýitip giden moa guşlaryny janlandyrmaklyga 15 million dollar goýdy

Täze zelandiýaly režissýor Piter Jekson (“Ýüzükleriň hökümdary” we “Hobbit” trilogiýasy) we onuň hyzmatdaşy Fren Uolş ýitip giden moa guşlaryny janlandyrmaklyk boýunça taslama 15 million dollar maýa goýdy diýip, Forbes habar berýär...

10.07.2025 20:55
2.1k+

Hytaýda kosmos jümmüşini öwrenmek boýunça dünýäde ilkinji assosiasiýa döredildi

Hytaýyň Hefeý şäherinde (Anhoý welaýaty) Kosmos jümmüşini öwrenmegiň halkara assosiasiýasy (International Deep Space Exploration Association, IDSEA) resmi taýdan işe başlady. Ol doly derejede bu ugra ünsi gönükdirýän dünýäde ilkinji ylmy gurama boldy...