Türkmenistanyň Prezidenti çagalara howandarlyk gaznasyna ilki bolup serişde goýdy

  • 30.03.2021 10:34
  • 19k+

Türkmenistanda Howandarlyga mätäç çagalara hemaýat bermek boýunça haýyr-sahawat gaznasy ýuridik şahs hökmünde döredildi. Türkmenistanyň Prezidentiniň Karary bilen döredilen bu Gazna Aşgabat şäheriniň Çandybil şaýolunyň ugrundaky Türkmenistanyň Halkara maslahatlar merkeziniň binalar toplumynda ýerleşdiriler. Şeýle hem degişli resminama bilen bu Gaznanyň Tertipnamasy, gurluşy hem-de işgär sany tassyklanyldy.

Bu Gazna ösüp gelýän ýaş nesilleri durmuş taýdan goldamak, howandarlyga mätäç çagalaryň saglygynyň dikeldilmegine ýardam bermek, olaryň bagtyýar durmuşda ýaşamagy hem-de olarda watana wepalylyk, ruhubelentlik, arassa ahlaklyk, ynsanperwerlik, halallyk ýaly belent ynsan häsiýetleriniň kemala gelmegi üçin amatly şertleri döretmek maksady bilen döredildi.
Düýn geçirilen Hökümet mejlisinde Gurbanguly Berdimuhamedow öz gazanjyndan ilkinji bolup, täze döreden haýyr-sahawat gaznasyna serişde goýýandygyny habar berdi.
Eger-de, ejize hossarlyk etmegi göwnünde besleýän ildeşlerimiz bar bolsa, olar hem öz halal gazanjyndan hossarlyk gaznasyna serişde geçirip bilerler. Bu gazna daşary ýurtlular üçin hem açyk bolar diýip, döwlet Baştutany belledi. Täze döredilen gaznanyň serişdeleri şol çagalaryň tölegli saglyk, bilim hyzmatlaryndan peýdalanmaklary, mynasyp dynç almaklary we beýleki zerurlyklary üçin gönükdirilip bilner diýip, Gurbanguly Berdimuhamedow aýtdy.
Howandarlyga mätäç çagalara hemaýat bermek boýunça haýyr-sahawat gaznasynyň ýerine ýetiriji direktory wezipesine Rejep Bazarow bellenildi. Türkmenistanyň Mejlisiniň kabul eden resminamasyna laýyklykda, 
Howandarlyga mätäç çagalara hemaýat bermek boýunça haýyr-sahawat gaznasyna Gurbanguly Berdimuhamedowyň ady dakyldy.

düýn 22:20
1.5k+

Resident Evil 9, täze Mafia we Game of Thrones: Summer Game Fest 2025-de nämeler görkezildi?

7-nji iýun gijesi «Summer Game Fest 2025» festiwalynyň açylyşyna bagyşlanan iki sagatlyk uly tanyşdyrylyş dabarasy geçirildi. Onda köp sanly täze oýunlar görkezildi. Görkezilen oýunlaryň arasynda meşhur seriýalaryň dowamlary, meşhur älemlere esaslanýan adaptasiýalar we ilkinji gezek tanyşdyrylan taslamalar bar...

düýn 19:57
5.1k+

Amerikan kompaniýasy penjiresiz hususy uçar konseptini görkezdi

«Otto Aviation» amerikan kompaniýasy illýuminatorlary (adaty ýolagçy penjireleri) bolmadyk «Phantom 3500» atly täze hususy uçarynyň taslamasyny görkezdi. «The War Zone» maglumat çeşmesiniň habar bermegine görä, gözýaş şekilli göwresi bolan bu uçar raýat maksatly taýýarlanan bolsa-da, harby ugurlar üçin hem peýdaly bolup biler...

düýn 19:44
4k+

Android-lerde Crocodilus wirusy ýaýraýar. Ol özüni programma görnüşinde gizläp, maglumatlary ogurlaýar

Jenaýatçylar Crocodilus zyýanly programma üpjünçiligini bank we kriptowalýuta hasaplaryna girmek üçin kanuny programmalar hökmünde gizläp, bütin dünýäde Android ulanyjylarynyň arasynda ýaýradýarlar. Bu barada TechSpot neşiri habar berýär...

düýn 19:30
4k+

Şwesiýada çagalarynyň dişine dogry ideg etmändigi üçin ene-atasyna temmi çäresi görüldi

Şwesiýanyň kazyýeti üç çagasynyň dişine dogry seretmändigi üçin ene-atany sekiz aý azatlykdan mahrum etdi. Bu barada Aftonbladet gazeti habar berdi. Boros şäherinde işleýän diş lukmany öz kabul edişligine gelen çagalaryň dişini görenden soň degişli edaralara ýazan arzasy derňew işlerine başlanmagyna sebäp boldy...