Türkmenistanyň Prezidenti Gurbanguly Berdimuhamedowyň gol çeken Kararyna laýyklykda, «Derýaýollary» önümçilik birleşigi açyk görnüşli paýdarlar jemgyýetine öwrüler.
Maliýe we ykdysadyýet ministrligine we «Türkmendeňizderýaýollary» agentligine agentligiň garamagyndaky «Derýaýollary» önümçilik birleşiginiň guramaçylyk-hukuk görnüşini üýtgedip, ony açyk görnüşli paýdarlar jemgyýetine bellenen tertipde öwürmek tabşyryldy.
«Derýaýollary» açyk görnüşli paýdarlar jemgyýetini esaslandyryjylar hökmünde «Türkmendeňizderýaýollary» agentligine — esaslyk maýadaky paýy 10 göterim we agentligiň Türkmenbaşy Halkara deňiz portuna — esaslyk maýadaky paýy 50 göterim möçberde paýly gatnaşmaga ygtyýar berildi.
