Ogaýo uniwersitetiniň alymlary gözleg geçirdiler. Onuň dowamynda okalan kitaplaryň gahrymanlarynyň adam beýnisine nähili täsir edýändigi anyklanyldy diýip, ferra.ru habar berdi.
Gözlegiň çäginde meýletinçilerden meşhur "Tagt oýunlary" (“Game of Thrones”) kitabynda halaýan gahrymanlary barada soraldy. Soňra bolsa, gatnaşyjylaryň beýnileri funksional magnit-rezonans tomografiýasy arkaly gözden geçirildi. Görnüşi ýaly, okalýan kitaplaryň gahrymanlary, hakykatdanam, adamlara täsir edýän eken.
“Olar öz halaýan gahrymanynyň näme pikir edýändigi hakda pikirlenýärler we onuň duýgularyny paýlaşýarlar. Olar şol gahrymanyň keşbini ýerine ýetirýärler"-diýip, awtorlaryň biri gözlegiň netijesi barada mälim etdi.
Hünärmenleriň pikiriçe, bir adam özüni kitabyň gahrymany bilen baglanyşdyranda, onuň wentral medial prefrontal korasy has işjeň hereket edip başlaýar, bu bolsa öz-özüň hakda pikirlenmegiň dowamynda bolup bilýär. Şeýlelik bilen, çeper edebiýat adamlara gahrymanyň gözi bilen seredip, onuň dünýäsinde “ýaşamaga” mümkinçilik berýär diýlen netijä gelindi.