Çempionlar ligasy: «Real» we «Mançester Siti» çärýek finalda

  • 17.03.2021 09:39
  • 11k+

Çempionlar ligasynyň 1/8 final tapgyrynyň jogap duşuşygynda Madridiň «Realy» «Atalantany» ýeňdi. Duşuşyk Madriddäki «Alfredo di Stefano» stadionynda geçip, 3:1 hasabynda tamamlandy.
Hasaby 34-nji minutda hüjümçi Karim Benzema açdy. 60-njy minutda Serhio Ramos 11 metrlik jerime urgusy bilen hasaby artdyrdy. Bergamasklylar diňe 83-nji minutda Luis Murieliň pökgüsi bilen jogap berdiler, ýöne eýýäm 85-nji minutda Marko Asensionyň goly «Reala» amatly artykmaçlyk berdi.
Duşuşykda eminiň jedelli kararlary hem boldy. Duşuşygyň emini Danni Makeli «Atalantanyň» howply hüjümi wagtynda arakesme yglan etdi. Bu hüjümde Muriel «Realyň» derwezebany bilen ýekme-ýek çykmak mümkinçiligine eýedi.

Beýleki duşuşykda «Mançester Siti» Mönhengladbahyň «Borussiýasy»  bilen duşuşdy. Duşuşyk Budapeştdäki «Puşkaş Arena» stadionynda geçirildi we iňlis klubunyň 2:0 hasabynda ýeňşi bilen tamamlandy.
Pökgüleri Kewin De Bruýn (12) we Filip Foden (18) tora girizdi.
Klublaryň 24-nji fewralda bolup geçen birinji duşuşygy hem «Mançester Sitiniň» şu hasapdaky  ýeňşi bilen tamamlanypdy.
Şeýlelikde, «Real» we «Mançester Siti» ýaryşyň çärýek finalyna gatnaşmaga hukuk gazandy.
Ondan öň, «PSŽ», «Liwerpul», «Portu» we «Borussiýa Dortmund» çärýek finala çykdy.

düýn 20:06
3.2k+

Gonkongda Kriştianu Ronaldunyň wagtlaýyn muzeýi açyldy

Gonkongda saud “Al-Nasrynyň” we Portugaliýanyň milli ýygyndysynyň hüjümçisi Kriştianu Ronalduwa bagyşlanan wagtlaýyn muzeý açyldy. Bu barada Blooloop habar berýär. Muzeý K11 çeperçilik-medeni merkezinde ýerleşýär...

düýn 14:08
8.9k+

Mbappe psihologik basyş edilmegi babatda “PSŽ”-nyň üstünden ýazan arzasyny yzyna aldy

Fransuz hüjümçisi Kilian Mbappe öňki kluby bolan “Pari Sen-Žermene” üstünden beren kazyýet arzasyndan özüne psihologik basyş edilmegi babatdaky bölegi yzyna aldy diýip, L'Equipe habar berýär. Futbolçy "ünsüni sport meselelerine jemlemek" üçin şeýle karara geldi...

düýn 12:22
3.1k+

“Mançester Ýunaýted” Amazonyň klub hakynda 10 mln funt sterlinglik dokumental film düşürmek teklibini ret etdi

"Mançester Ýunaýted" şertnamanyň bahasynyň 10 million funt sterlingdigine garamazdan, Amazonyň klub barada  dokumental film düşürmek baradaky teklibinden ýüz öwürdi diýip, The Athletic habar berýär. Çeşmäniň habaryna görä, Amazon bilen gepleşikler geçen möwsümiň ikinji ýarymynda birnäçe aýlap geçirilipdi...

düýn 11:39
4.6k+

“Çelsi” Klublaýyn dünýä çempionatynyň finalyna çykdy, ol “Real” ýa-da “PSŽ” bilen duşuşar

Londonyň “Çelsisi” 2025-nji ýylyň Klublaýyn dünýä çempionaty ýaryşynyň ilkinji finalçysy boldy. Ol ýarym finalda Braziliýanyň “Fluminense” toparyny 2:0 hasabynda utdy. Oýun Ist-Raterforddaky (ABŞ) “Metlaýf” stadionynda geçirildi...