Amerikaly Holloueý päsgelçilikli 60 metr aralyga ylgamakda dünýä rekordyny täzeledi

Amerikaly Holloueý päsgelçilikli 60 metr aralyga ylgamakda dünýä rekordyny täzeledi

Amerikaly sprinter Grant Holloueý päsgelçilikli 60 metr aralyga ylgamakda täze dünýä rekordyny goýdy diýip, sport24.ru habar berýär.

Ispaniýada ýapyk binada geçirilen ýaryşda 23 ýaşly amerikaly türgen bu aralygy 7,29 sekuntda geçdi. Ol ýeňil atletikaçy Kolin Jeksonyň (7,30 sekunt) 1994-nji ýylyň 6-njy martynda, ýagny 27 ýyl ozal goýan rekordyny täzeledi.
Belläp geçsek, Holloueý päsgelçilikli 100 metr aralyga ylgamakda häzirki dünýä çempionydyr. Ol 2019-njy ýylda Dohada geçirilen dünýä çempionatynda altyn medal gazandy.
Holloueý diňe päsgelçilikli ylgaw bilen meşgullanmaýar. Türgen sprint (60, 100, 200 m), uzynlygyna we beýikligine bökmek boýunça ýaryşlara hem gatnaşýar.