Ýaponiýada ýalňyzlyk meseleleri boýunça ministr wezipesi açylar

Ýaponiýada ýalňyzlyk meseleleri boýunça ministr wezipesi açylar

Ýaponiýada ýalňyzlyk meseleleri boýunça ministr wezipesi açylar we ony sebitleriň ýaşaýyş derejesini dikeltmek boýunça ministr Tesuşi Sakamoto goşmaça ýerine ýetirer. Bu barada Ýaponiýanyň Ministrler Kabinetiniň başlygy Ýoşihide Suganyň kararyna salgylanyp, Nikkei habar berdi.

Tesuşi Sakamoto birnäçe ministrlikleriň we edaralaryň bu ugurdaky tagallalaryny utgaşdyrar.
Koronawirus pandemiýasy döwründe ýurtda ýalňyzlyk meselesi möwjeýär we şunuň bilen baglylykda öz janyna kast edýänleriň sany köpelýär. Ýaponiýa senagat taýdan ösen öňdebaryjy ýurtlaryň arasynda bu babatda iň ýokary görkezijä eýe.
Suga ýalňyzlygyň we üzňeleşdirmegiň esasanam aýallara täsir edýändigini aýtdy. Geçen ýyl olaryň arasynda öz janyna kast edenleriň sany 14,5% artyp, 6 976 adama ýetdi, emma erkekleriň arasynda bu görkeziji azalmagyny dowam etdirýär.