Futbol taryhynyň we statistikasynyň halkara federasiýasy (IFFHS) "PSŽ"-niň hem-de Kosta-Rikanyň milli ýygyndysynyň derwezebany Keýlor Nawasy CONCACAF boýunça onýyllygyň iň gowy futbolçysy diýip yglan etdi. Bu barada sport-express.ru habar berdi.
Sanawda 2011-nji ýyldan 2020-nji ýyla çenli iň gowularyň arasynda Nawasdan soň “Mançester Ýunaýted”, Madridiň “Realy” we Lewerkuzeniň “Baýer” toparlarynda oýnan meksikaly hüjümçi Hawier Hernandez bar. Üçünji ýeri bolsa “Fulhemdäki” we “Tottenhemdäki” oýunlary bilen tanalýan amerikaly hüjümçi Klint Dempsi eýeledi.
34 ýaşly Nawas CONCACAF boýunça iki gezek ýylyň oýunçysy we üç gezek ýylyň derwezebany diýen ada eýe boldy. 2014-nji ýylda ol Kosta-Rikanyň milli ýygyndysy bilen Dünýä çempionatynyň çärýek finalyna çykdy, şondan soň ony Madridiň "Realy" satyn aldy. Madridli klub bilen Nawas üç gezek Çempionlar ligasynda ýeňiji bolup, 2017/18 möwsüminde ýaryşyň iň gowy derwezebany boldy.