Microsoft kapitallaşdyrmasy boýunça Saudi Aramco-dan öňe geçdi

  • 06.02.2021 18:58
  • 3.3k+

Birža söwda maglumatlaryna görä, Microsoft kompaniýasy saudlaryň Saudi Aramco kompaniýasyndan öňe geçip, bazar kapitallaşdyrmasy boýunça dünýäde ikinji ýere çykdy. Bu barada Sputnik gullugy habar berdi.

Çarşenbe güni agşam Microsoft-yň paýnamalary 1,2 % - her gymmat bahaly kagyz üçin 242,4 dollar gymmatlady. Kompaniýanyň bazar kapitallaşdyrmasy bolsa 1,828 trilliona ýetdi.
Dünýädäki iň gymmat üç kompaniýanyň arasynda birinji orny “Apple” korporasiýasy eýeleýär, onuň kapitallaşdyrmasy iki trillion dollardan geçýär. Geçen ýylyň sentýabr aýynda “Apple” öňdebaryjylygy gysga wagtlyk Saudi Aramco kompaniýasyna geçirdi, ýöne soňlugy bilen ýene-de birinji orna gaýdyp geldi.

13.07.2025 18:32
4.9k+

ABŞ-dan Merck derman öndüriji ägirdi $10 mlrd-a Britaniýanyň Verona Pharma-syny satyn alýar

Amerikanyň Merck derman öndüriji kompaniýasy Britaniýanyň dem alyş ýollarynyň keselleriniň dermanlaryny öndüriji Verona Pharma-ny satyn alýar. Merkiň metbugat beýanatynda geleşigiň bahasynyň takmynan 10 milliard dollar töweregi boljakdygy habar berilýär...

12.07.2025 19:02
3.6k+

Baffetden hem baý: Nvidia-nyň ýolbaşçysy iň baý adamlaryň ilkinji ýediligine girdi

Nvidia-nyň baş direktory Jensen Huang dünýäniň iň baý adamlarynyň ilkinji ýediligine girip, Uorren Baffetden we Stiw Balmerden öňe geçdi. Bu barada Fortune reýtingine salgylanyp, CNBC habar berýär. Neşiriň maglumatlaryna görä, Huangyň baýlygy 143,6 mlrd dollar diýlip hasaplanylýar...

11.07.2025 19:26
7.6k+

Dubaýdan startap gijeki görüşli aragatnaşyk linzalaryny işläp taýýarlamak  üçin 250 million dollar ýygnady

Dubaýda ýerleşýän Xpanceo kompaniýasy A tapgyrda (düýbüni tutuş tapgyryndan soň gelýär) 1,35 milliard dollarlyk diýlip bahalandyrylan işe 250 million dollar toplady.  Bu tapgyra başlangyjy 40 million dollar düýbüni tutuş serişdesi bilen üpjün eden Gonkongyň Opportunity Venture wençura gaznasy ýolbaşçylyk etdi diýip, Bloomberg habar berýär...

11.07.2025 01:39
3k+

Apple kompaniýasyna täze operasion direktor bellendi

Apple kompaniýasynyň ýolbaşçylygynda üýtgeşmeler boldy: operasion direktor (COO) wezipesine kompaniýada 30 ýyldan gowrak wagt bäri işläp gelýän Sabih Han bellenildi. Ol kompaniýadan gidýän Jeff Uilýamsyň ýerine geldi...