“Pari Sen-Žermen”-iň hüjümçisi Neýmar klubuň düzüminde özüniň 100-nji oýnuny geçirdi. Bu barada report.az habar berdi.
Braziliýaly hüjümçi Fransiýanyň çempionatynyň 21-nji tapgyrynda “Monpelýe” bilen bolan duşuşykda meýdança çykdy. Şeýlelikde, ol "PSŽ"-niň düzüminde oýnan oýunlarynyň sany boýunça ýubileý belligine ýetdi.
Pariždäki “Park de Prens” stadionynda geçirilen duşuşyk parižlileriň peýdasyna 4:0 hasabynda tamamlandy. Duşuşykda Neýmar bir gol bilen tapawutlandy.
Neýmar 2017-nji ýylyň tomsunda "Barselona"-dan "Pari Sen-Žermen"-e geçdi. Şonda transferiň bahasy rekord derejede - 222 million ýewro boldy. Fransiýanyň çempionatynyň häzirki möwsüminde hüjümçi dokuz oýun oýnap, dört pökgi geçirdi. Transfermarkt Neýmaryň häzirki bahasyny 128 million ýewro diýip çaklaýar.