Microsoft-y esaslandyran Bill Geýts özüniň Twitter sahypasynda koronawirusa garşy sanjym etdirendigi barada aýtdy. Bu barada rg.ru habar berdi.
"65 ýaşyň berýän artykmaçlyklarynyň biri - COVID-19 sanjymyna hukugymyň bolmagy. Şu hepde men ilkinji dozamy aldym we özümi gaty gowy duýýaryn. Synagyň ähli alymlaryna we oňa gatnaşanlara, bizi şu pursata ýetiren utgaşdyryjy edaralara we öňdebaryjy saglygy goraýyş işgärlerine sagbolsun aýdýaryn" diýip, Geýts ýazdy.
Geýtse haýsy sanjymyň edilendigi häzirlikçe nämälimligine galýar.
Geýts ozal özüniň "GatesNotes" blogunda "sanjymlar we bejeriş usullary 2021-nji ýylyň ýazynda global täsir edip biljek derejä ýeter" diýip umyt edipdi. Şeýle-de bolsa, köpçülikleýin ýygnaklara käbir çäklendirmeler girizilmeli. Iň bolmanda baý ýurtlarda hadysalaryň we ölümleriň sany düýpgöter azalmaga başlar we durmuş häzirkisinden has gowulaşar.
