Hytaýyň milli nebitgaz korporasiýasy (CNPC) Türkmenistanyň ygtybarly uzak möhletli hyzmatdaşy hökmünde tehnologik alyş-çalşy has-da güýçlendirer we nebitgaz pudagyndaky hyzmatdaşlygy iki ýurduň halklarynyň bähbidine giňelder diýip, CNPC International Turkmenistan kompaniýasynyň baş müdiri Li Şulýan «Malaý» ýatagynda täze gaz gysyjy desganyň işe girizilmegi mynasybetli eden çykyşynda aýtdy.
Li Şulýanyň aýtmagyna görä, şu güne çenli “Türkmengaz” döwlet konserni bilen CNPC International Turkmenistan tarapyndan işlenilýän ýataklardan Ýuwaş ummanynyň kenaryna, takmynan, 290 milliard kub metr tebigy gaz iberildi.
«Malaý» ýatagynda täze gaz gysyjy desganyň işe girizilmegi onuň ösüşiniň ikinji tapgyrynyň başlangyjy boldy, bu pudagyň önümçilik kuwwatynyň ýokarlanmagyna we Türkmenistanyň dünýäniň nebitgaz bazaryndaky ornuny pugtalandyrmaga ýardam berer” – diýip, Li Şulýan belledi.
