“Barselonanyň” kapitany Lionel Messi Ispaniýanyň çempionatynda taryhy üstünlik gazandy. Bu barada gazeta.ru habar berýär.
“Granada” garşy 18-nji tapgyr duşuşykda hüjümçi iki gol saldy, onuň hasabynda şu möwsüm premýeranyň 17 oýnunda jemi 11 goly bar. Messi Ispaniýanyň çempionatynyň taryhynda yzygider 15 möwsümde azyndan on pökgi geçiren ilkinji oýunçy boldy.
“Granada” garşy oýunda Lionel Messi ikinji goluny jerimeden göni urgy bilen geçirdi. Ol pökgini 42-nji minutda girizip, hasaby 3:0-a ýetirdi. Häzir onuň hasabynda ähli turnirlerde “Barselona” üçin jerimeden göni urgy bilen girizen 48 goly bar. Bu goluň netijesinde Messi professional klub karýerasy üçin jerime urgusyndan 47 gol salan Kriştianu Ronaldudan öňe geçdi.
Ýatlap geçsek, “Barselona” bu duşuşykda “Granadany” 4-0 hasabynda ýeňdi.
Messi katalon klubynyň düzüminde jemi 751 oýna gatnaşdy. Hawi bu görkeziji boýunça rekord eýesidir, onuň hasabynda 767 oýun bar.
