Hindistanda hapa howadan gurluşyk materiallaryny öndürmegi öwrendiler

  • 06.01.2021 19:12
  • 14k+

Startapyň esaslandyryjysy hindistanly Tejas Sidnal ýurduň hapa howasyny gurluşyk plitalaryna öwrüp boljakdygyny subut etdi. Bu barada vokrugsveta habar berdi.

Tejas Sidnala öz ýurdunyň dünýäniň ähli ýurtlarynyň arasynda hapalanmak boýunça öňdebaryjy bolup, 30-dan 21-nji orunda durýandygy bilen ylalaşmak kyn düşdi diýip, çeşme belleýär. Şonuň üçin hem üç ýyl mundan ozal ýaş arhitektor howada agdyklyk edýän zyýanly zyňyndylardan uglerod plitalaryny öndürmäge mümkinçilik berýän tehnologiýany döretdi.
Bir ýyl ozal Sidnal öz startapyny işe girizdi. Ýörite enjam atmosferadan kömürturşy gazyny sogrup alýar, ol bolsa mermer hem-de sement tozany we külkeleri bilen garylýar. Soň bolsa, alnan materialdan gidrawliki press arkaly plita emele getirilýär.

Adaty diwar plitalary bilen deňeşdirilende, “Carbon Craft Design” önümleriniň bahasy gymmadrak çykýar - her inedördül metr üçin 29 dollar. Emma Sidnal önümçiliginiň giňelmegi bilen geljekde bahalaryň arzanlamagyna umyt bildirýär.
Sidnal geljekde oýlap tapan tehnologiýasy bilen dünýäniň köp ýurtlarynyň gyzyklanjakdygyna ynanýar we häzirki wagtda maýa goýumlaryny işjeň çekýär.

düýn 11:17
2.7k+

Alymlar 200 mln ýyl ozal ýaşan pterozawryň täze görnüşini suratlandyrdylar

ABŞ-nyň Smitsonow institutynyň işgärleri Petrifaýd-Forest milli seýilgähinde (Arizona ştaty)  209 million ýyl mundan ozal ýaşap geçen pterozawrlaryň näbelli görnüşleriniň galyndylaryny tapdylar. Edaranyň metbugat gullugynyň habaryna görä, tapyndy giçki trias döwrüne degişlidir...

düýn 11:09
2.3k+

Ýapon kompaniýasy beýni tolkunlaryny sungat eserlerine öwürýär

Ýaponiýanyň Brainwave Trading Center kompaniýasy adamlaryň beýnisiniň işjeňligini sungat eserlerine öwrüp başlady diýip, South China Morning Post habar berýär. Tehnologiýa Tokiodaky BWTC Metaverse Store dükanynda oturdyldy...

düýn 11:01
4.1k+

“Ýüzükleriň hökümdary” filminiň režissýory ýitip giden moa guşlaryny janlandyrmaklyga 15 million dollar goýdy

Täze zelandiýaly režissýor Piter Jekson (“Ýüzükleriň hökümdary” we “Hobbit” trilogiýasy) we onuň hyzmatdaşy Fren Uolş ýitip giden moa guşlaryny janlandyrmaklyk boýunça taslama 15 million dollar maýa goýdy diýip, Forbes habar berýär...

10.07.2025 20:55
2.2k+

Hytaýda kosmos jümmüşini öwrenmek boýunça dünýäde ilkinji assosiasiýa döredildi

Hytaýyň Hefeý şäherinde (Anhoý welaýaty) Kosmos jümmüşini öwrenmegiň halkara assosiasiýasy (International Deep Space Exploration Association, IDSEA) resmi taýdan işe başlady. Ol doly derejede bu ugra ünsi gönükdirýän dünýäde ilkinji ylmy gurama boldy...